Eu son Paisaxe

EU SON PAISAXE é o traballo trimestral da materia de Paisaxe e Sustentabilidade. É un traballo individual a realizar antes do 5 de Decembro e que terás que presentar en clase.

En que consiste? Escolle unha zona do Milladoiro que sexa importante para ti (onde vives, onde xogas, onde estudaches, onde te atopaches con alguén, onde te despediches dalguén, onde sempre pasas…)

Sobre esa zona terás que:

  • Localizala nun mapa
  • Retratala a modo de fotografía
  • Describila segundo a teoría que estudamos na clase (Fisionomía da paisaxe)
  • Grabar a súa Paisaxe Sonora indicando en que estación do ano e en que momento do día fixeches a grabación
  • Deberás facer unha breve reflexión sobre estes aspectos?
    • Explicar a importancia dese lugar e por que.
    • Reflexionar sobre se ese lugar é importante para os demais e por que.
    • Reflexionar sobre o impacto dese lugar en Milladoiro e por que (é positivo para o resto da vila? é negativo? por que?)
    • Reflexionar sobre a súa mellora (Ocórreseche algo para melloralo?)

Como o presento?  Nunha cartolina tamaño máximo A3 (si, trátase de sintetizar!)

Aquí vos deixo unha captura de pantalla para o traballo deste primeiro trimestre:

Screen Shot 2017-11-05 at 19.37.44

Screen Shot 2017-11-05 at 19.37.31

 

Advertisements

Trastornos da alimentación:

Antes de estudar cales son os trastornos da alimentación, imos traballar sobre a imaxe social que se ten das mulleres e dos homes. Quizás así poderemos comprender como é que xorden este tipo de desordes nalgunhas persoas (e quen sabe, se facernos críticos/as de paso!)

Anuncio Loewe

Anuncio Pepe Jeans

Anuncio Alexander Wang

Anuncio Hugo Boss 

Anuncio Balmain

Anuncio DolceGabana

O que pensan as crianzas disto (Vídeo YouTube)

Ei, por que non nos queremos máis e comezamos a sentirnos ben na nosa propia pel?? (Vale, un pouco de demagoxia… pero é que traballo con adolescentes!!)

 

 

Identidade territorial (Introdución)

Logo de case un trimestre centrando e contextualizando a materia e o propio estudo da paisaxe, comezamos unha nova etapa onde centraremos os esforzos e comprendernos dentro dun contexto galego.

Para elo, comezamos cunha actividade en grupo e coa técnica de “Folio xiratorio”. Explico brevemente: facemos equipos de 4-5 persoas (canto máis saibamos sobre aprendizaxe cooperativa, mellor faremos os grupos, e mellores resultados obteremos…), a cada grupo repártese un folio coa contorna dun mapa de Galiza e un “gomet” de cor diferente en cada esquina.

Anotamos no encerado o significado de cada cor (podemos variar en función do que queremos obter), eu neste caso escollín:

Azul: un sentimento; amarelo: lugar; verde:paisaxe; vermello: palabra

Durante 5 minutos controlados pola profe, as persoas do grupo van virando o folio e escriben no seu turno, debaixo do gomet: neste caso, non me importa que algún quede baleiro e outros moi completos.

Facemos unha posta en común con todos os grupos ao tempo que vou anotando no encerado todas as propostas, de xeito que quede ao final unha composición, do que representa Galiza para nós.